Аҧсны аныҳәа азгәаҭара иазхиоуп: Аиааира агара Амш иазку Арратә Парад аҽазыҟаҵара хада мҩаҧысит

Аҟәа ақалақь, Ахақәиҭра ашҭаҿы, 1992-1993 Аҧсны Аџьынџьтәылатәи еибашьра аҿы Аиааира-25-шықәса ахыҵреи Ахьыҧшымреи Рымш азгәаҭара иазку Арратә Парад аҽазыҟаҵара хада мҩаҧысит.

Аҟәа. Цәыббрамза 28. Аҧсныпресс. Дамеи Касланӡиа. Аҟәа ақалақь, Ахақәиҭра ашҭаҿы, 1992-1993 Аҧсны Аџьынџьтәылатәи еибашьра аҿы Аиааира-25-шықәса ахыҵреи Ахьыҧшымреи Рымш азгәаҭара иазку Арратә Парада аҽазыҟаҵара хада мҩаҧысит. Аусмҩаҧгатә ихы алаирхәит Аҧсны Арбџьармчқәа ркомандаҟаҵаҩ хада Рауль Ҳаџьымба.

Арратә Парад аҽазыҟаҵара хада иалахәын Аҧсны Арбџьармчқәа аршьаҟауаа рҟәыра, арратә техника, арҧжәагатә шьақәгылагақәа, авиациа.

Иара убас, Аҧсны иҟоу Урыстәылатәи Афедерациа атәылахьчара Аминистрра иатәу абыжьбатәи арратә база аруаа ргәыҧи, Урыстәыла ашәарҭадара азы Афедералтә Маҵзура аҳәаахьчаҩцәа рырхәҭеи.

Аҧсны атәылахьчара Аминистрра апресс-маҵзура аиҳабы Роланд Џьоџьуа адырра ҟаиҵеит: “Сынтәа апарад иалахәхоит 1,5 нызықь-ҩык инарзынаҧшуа аруааи, иара убас 119 цыра атехникеи аџьаҧҳани”.

Последнее изменение Суббота, 29 сентября 2018 08:34

Галерея изображений

© 2018 APSNY.LAND || Единый информационный портал Республики Абхазия
Яндекс.Метрика